【有片】張衛健回巢拍台慶劇 唔識同劇蔡思貝洪永城：我好少睇！
撰文：溫菁莉 何志衡
出版：更新：
「型到跌渣」、「噼啪你個隆的咚呀」，相信不少90後觀眾一定記得這兩句是出自張衛健嘅口中，久違了香港電視圈接近20多年的張衛健（Dicky），今日下午宣布將回巢無綫參演台慶劇《大帥哥》，無綫亦隆重其事在高層樂易玲及曾勵珍的見證下，舉行簽約儀式。
20幾年無返TVB拍劇嘅張衛健，今次回巢拍台慶劇《大帥哥》，並在高層樂易玲及曾勵珍的見證下，舉行簽約儀式。（何志衡攝）
Dicky笑言今次再與無綫合作完全唔係「逼」，係由曾勵珍「的」佢返黎，而今次回巢原因是好想再拍攝廣東話作品，「離開TVB之後，演出的作品大部分都是用國語。我好想拍一部戲，我可以用回母語廣東話，台前幕後都係用廣東話，我講一句對白大家係有感覺，好笑。而我不需要在片場翻譯國語過導演及其他演員，相信會更加如魚得水。」而令他感動是一班香港觀眾，「其實近20年重心都不在香港，但有時係香港係街上遇到市民，佢地都問『幾時返黎拍劇呀？』佢地畀我嘅笑容眼神依然咁親切。」
提到今次同劇的演員中有蔡思貝及洪永城等新演員，Dicky透露未有留意現時TVB的演員，但相信監製找他們來演是適合角色。（何志衡攝）
至於有無向無綫提出特別要求？Dicky指唯一要求就係睡覺，並指無綫都好醒目，「以現時的生理狀態來說，心肝脾肺要10小時來復原，他們都答應。但佢地都好醒，話畀10小時睡覺是可以的，但你要畀半年時間我們。」他提到今次為了返TVB拍劇都推了不少作品，咁應該都損失唔少，Dicky就笑說，「無一千都幾百『蚊』架，（唔係萬？)係『蚊』，你唔好誤會呀！」
提到今次同劇的演員有蔡思貝，洪永城，問到Dicky本身有無留意現時無綫的演員？他表示，「好遺憾，我好少睇，無乜留意。但我相信監製找他們來演都是適合角色。」