張衛健回巢傾片酬峰迴路轉 曾勵珍喊出嚟 :信我咪得囉!

撰文:溫菁莉 何志衡
出版:更新:

今次可以成功令張衛健回巢無綫參演台慶劇《大帥哥》,最大功勞非現時TVB助理總經理(戲劇製作)的曾勵珍(珍姐)莫屬,張衛健形容珍姐算是生命中除了媽咪及老婆,第三位對自己重要嘅女人,「珍姐睇住我大,好了解我演戲嘅節奏,私生活都知,連溝過幾多個女仔都清楚。」而大家最關心的片酬,Dicky就話傾嘅過程好「峰迴路轉」,而珍姐聞言後就講「洗乜傾,信我咪得囉!」

無綫助理總經理(戲劇製作)的曾勵珍及助理總經理(藝員管理及發展) 樂易玲一齊出席張衛健《大帥哥》簽約儀式。(何志衡攝)

而珍姐指今年是無綫50周年,是一個里程碑,所以就特意找來一些由TVB培養出來的演員,「一直都想搵佢,但佢在外地不停工作好忙。今次50周年係一個好好嘅藉口,所以就打畀佢:『老竇(TVB)50歲,返嚟賀壽得唔得先?』佢一秒鐘就答應。」

其實由TVB出來的演員亦有很多,但她就指當時心中人選非張衛健莫屬,但若果當時Dicky拒絕,咁點算呢?珍姐說,「我第一個就諗起佢。」而片酬方面,珍姐直言畀幾多都不及外面嘅價錢,「佢回來主要目的不是為錢,亦沒有提及過(酬勞)。他只是跟我說檔期同休息時間。」