隱門|陳展鵬拍動作戲靠食老本:而家少啲體能都死

撰文:鄺鈺瑩
出版:更新:
陳展鵬在劇中飾演保險調查員,但原來也曾在國美國做警察,所以動作戲少不了。(葉志明攝)

陳展鵬去年劇接劇,由《超能使者》、《黯夜守護者》、《童時愛上你》到《隱形戰隊》完全冇停過,而近日佢亦已投入王心慰監製嘅新劇《隱門》。劇中佢雖然飾演保險調查員,但呢日喺馬鞍山嘅「天外天」拍攝外景時,竟然要出動威也。陳展鵬接受《香港01》訪問時透露呢場戲主要係講佢嘅對手吳岱融,其賊王角色因受到追逐而跌落山崖,陳展鵬喺崖邊準備救對方。

陳展鵬話每次拍動作戲都會做足保護措施,但就從來都唔會向老婆報備。(葉志明攝)

比起吳岳融打到跌落山、陳少邦拍至拗柴,陳展鵬呢日確係輕鬆,他訪問時笑言今次的動作戲基本上都交晒比吳岳融。「不過而家拍動作戲冇以前咁辛苦,以前真係隨時會受傷,而家會用pad保護,同埋有晒經驗會安全好多。」陳展鵬透露一直以來的大部分的動作戲都親身上陣,絕少用替身,除非遇上飛車或睡眠不足的情況:「拳腳係ok,,但跳躍就……有時喺天台跳來跳去,真係會腳軟,呢啲就交比替身。不過冇咩大問題都會自己嚟,因為觀眾都睇得出。而家一個動作可能一take就過,但而家大家都有要求,一shot可能要拍幾十次,少啲體能都死。」陳展鵬表示如果時間允許的話,會在劇集開拍前學習相關的功夫,無奈去年一直劇接劇,所以只能食老本。

陳少邦早上拗柴後,仍然繼續拍攝追逐打鬥戲,為怕再受傷,拍攝前與陳展鵬多次試位。(葉志明攝)
一個係賊王、一個係保險調查員。(葉志明攝)

點擊睇更多動作場面

+5
你可能感興趣