張致恆老婆雯雯被問點解咁窮仲要生第三胎:窮有窮養

撰文:鄺鈺瑩
出版:更新:
張致恆老婆雯雯喺你問我答中否認因懷孕而放棄離婚。(IG圖片)

張致恆(Steven)老婆雯雯早前單方面宣布離婚,但3日後Steven表示已𠱁番老婆,仲話「一家五口好好咁樣愛下去!」暗示家中將添新成員。

雯雯19年為Steven誕下大仔後,翌年再誕下細仔,如今又再陀第三胎,睇嚟同Steven好恩愛。(IG圖片)

雯雯今日(4日)喺IG Story玩你問我答,有網民問到「你幾好嗎?」雯雯就話如果為家庭的話,可以話還好;有網民問到「張致恆有咩吸引你?」佢就話「每一段關係都係上天安排,所以冇話有咩吸」,喺眾多問題之中,唔少都係針對住「窮」呢一部分,認為佢哋一家幾口連生計都成問題,點解仲要生,亦有人提議結紮,但雯雯就話「窮唔代表冇資格生仔,上天送嘅禮物,一定有佢原因,窮有窮養,最緊要小朋友開心」並否認係因為懷孕先決定唔離婚,而言語間,似乎亦感受到雯雯準備有幾多生幾多,並樂於「窮養」小孩。

點擊睇大家問咩

+4

去年張致恆為搵食而北上,有網民因而提出「你老公長期不在,點解仲會懷孕?」雯雯就反問:「你呢個問題其實想帶出咩?」她亦透露會考慮舉行移居內地。雯雯又話三胎心理壓力較大,但仍然「頂得住」並透露由於大仔同細仔年紀尚輕,所以仲未知自己將會做哥哥。