二人限聚︱趙學而問鄧兆尊一拖三點算　「時間管理大師」公開妙法

趙學而近年雖然甚少拍劇，但仍然參與不少真人騷，例如ViuTV《中女唔易做》、hmvod《敗者重生戰》，加上在社交網站中非常活躍，所以人氣仍然甚高。適逢行政會議今日（8/2）通過收緊「限聚令」至兩人，又禁止超過兩個跨家庭在私人地方聚會，一向非常識玩社交網站的趙學而亦有趁機苦中作樂，仲拉埋無綫（TVB）經典劇集《皆大歡喜》老拍檔鄧兆尊落水，她在帖文中寫道：「鄧兆尊，你同我出嚟！」、「鄧翁，你教下我可以點做？」顯然非常關心同時擁有三名女友（大女友Carmen、二女友Cherry和三女友陳小姐）的「時間管理大師」鄧兆尊的私人生活。

敗者重生戰︱趙學而擔任導師　預咗會鬧學員：最唔鍾意人冇禮貌

到底不時出街一拖三的鄧兆尊會點做？鄧兆尊接受《香港01》訪問時便指自己在本地第五波疫情、「限聚令」收緊期間不會以身試法：「犯法嘢我唔會做啦！（剩係帶其中一位出街？）都唔會啦，會多數留喺屋企食飯。」提到三位女友各有居所，鄧兆尊便指他們會暫停「跨家庭」聚會：「而家邊個有煮飯就去邊個屋企食。」而心情甚靚的他又笑指老友趙學而好識講笑。

點擊下圖觀看鄧兆尊三名女友近照：

同場加映：日日媽媽聲︱鄧兆尊被封「時間管理大師」　妙答14個男人致命問題