傳馬浚偉大灣區設分校更有意上市 親回：多謝大家對我咁有信心
撰文：洪曉璇
出版：更新：
馬浚偉近年搞作多多，兼任TVB藝員訓練班校長、港台創作總監，外加自己工作室製作節目舞台劇，再不停進修真正瓣數多多﹗近日更傳出他會於大灣區設學校分校，大規模發展演藝文化事業，更有意上市﹗
問答比賽節目《知情識趣31》由港台創作總監馬浚偉擔任主創兼主持。
對此馬仔笑稱：「首先多謝大家對我咁有信心，我用左好多精神同心機去做關於藝術、教育及文化嘅工作，自己旗下學校同公司都運作超過十年，默默耕耘啦。咁你話有無計劃，喺發展上一定有嘅，喺唔同地方計劃開分校，努力做啦。做文化藝人教育嘅嘢唔可以用錢同收益做大前題，質素最緊要，優、強、大，唔做好優質其他都做唔到落去。我幾信要打好根基一步一步來。」
馬浚偉擔任TVB藝員訓練班校長。（影片截圖）
「至於傳聞話向IPO發展，呢一刻無呢個諗法，不過自己2年前去完北大讀完工商管理，自己都理解如果當一個公司去到某個狀態夠強大，又值得再放大去做時就唔應該阻止。呢一刻就無咁大想頭，暫時只想運作好旗下公司，但將來有一日有能力值得做IPO就再算啦。」
點擊下圖觀看「馬浚偉10大豐功偉績」及其他照片：
+26