林子博分享染疫經歷 兩仔爺靠食退燒藥好返：高燒咗八日
撰文：黃欣華
出版：更新：
香港新冠病毒疫情嚴峻，不少流行病學專家都推斷，疫情要到下個月才達到最高峰，舉家移民英國曼城的無綫娛樂台前主播林子博日前就分享自己早前中過Omicron的經歷，希望就此在生理、心理上都希望可以幫到大家。
林子博和兒子已經痊癒。（影片截圖）
林子博稱染病前，一家三口各人只是打了一針輝瑞：「一個月後，只有我同阿仔中Omicron，阿女冇事。我哋全程有味覺、有嗅覺、呼吸亦正常。卓楠高燒咗兩日，瞓醒乜事都冇！而我就發冷、周身骨痛、高燒咗八日。最終兩仔爺只係喺家中食退燒藥好返！暫時唔覺有後遺症。所以我嘅經歷俾我嘅感覺係～年紀越大，病徴越明顯，康復時間亦較長！當然，感恩最終能夠康復！」
一家三口！（FB照片）
對於為何女兒未有染疫，他至今都不得而知：「最終，我都唔知點解詠渝冇中？我諗～應該同抵抗力有關。無論大家有冇打、又或者想唔想打疫苗？我覺得有啲嘢自己都可以做，例如買啲高劑量嘅維他命C同維他命D每日食，幫自己身體抵抗力打好個底都冇壞！香港嘅朋友，大家要加油呀！」
+31