黎彼得因手術停工三個月致經濟拮据 致電珍姐求復工冇人聽
撰文：林迅景
出版：更新：
《愛‧回家之開心速遞》飾演「豹叔」的黎彼得三個月前因為入院做「通波仔」手術而「放長假」大抖，不過睇病加上手術花費令他經濟上出現問題。昨日（21/02）他向《香港01》透露幸好得「契仔」黃宗澤經濟上幫助。不過經濟拮据之下，現階段他還是希望能盡早開工。
黎彼得因手術而需停工休息，三個月冇收入。（資料圖片）
今日他接受傳媒訪問時，就表示做手術後曾向公司要求復工。他無奈地說曾多次致電珍姐（曾勵珍）：「打畀珍姐佢唔聽，打去藝員部又話︰『唔關我事，係製作部嘅事。』大家好似扯貓尾，你推我我推你，猶如強制性唔畀開工，可能佢哋驚孭鑊啩。」Peter哥其後找了幾次《愛》的監製後，才獲通知可以在下個月開工。
《香港01》竟事件於今日（21/02）致電黎彼得（Peter哥），他說：「我打過畀珍姐同藝員部，但係珍姐秘書都話： 『珍姐好忙，佢知㗎啦』。」
現任香港電視廣播有限公司助理總經理曾勵珍（珍姐）。（資料圖片）
前文：《愛回家》豹叔黎彼得急入院通波仔 幸得「契仔」黃宗澤經濟援助
+11