煮.野食| 教「新抱仔」Ayan御夫術 肥媽寸爆6號買蝦衰孤寒

撰文:吳子生
出版:更新:

由肥媽Maria Cordero和陸浩明(6號)主持的無綫全新綜藝節目《煮.野食》,日前播出的第10集,肥媽、6號到訪上水坑頭休閒農莊,並邀來6號女友陳詩欣(Ayan)做嘉賓。節目中,一對小情侶瘋狂放閃,6號孖住Ayan手拖手落田種菜,又玩甜蜜互餵,睇到人眼冤!

6號講笑話會喺《東張西望》宣布婚訊,真係無厘正經。

該集為 6號及其女友度身訂造了「問答」環節,每條問題均擺明「為難」6號。其中一條導演問拍了9年拖的6號,與Ayan的相識紀念日是幾月幾日,6號即淡定回應:「9月17日。」隨即遭製作組笑指求生欲極強;之後導演再問二人結婚紀念日是何時,6號搞笑回應謂:「咁又未知喎,或者留意《東張西望》啦,哈哈。」曲線宣傳公司節目,果然識撈。6號最終技巧地逐條問題「拆彈」,成功化危為機,女友Ayan亦被口花花男友冧到暈得一陣陣。另6號自爆情人節因忘記送禮物給Ayan,說著竟就地取材送上西蘭花「補鑊」,在旁的肥媽看不過眼即搞笑叫6號「死開」,非常爆笑。

6號竟然夠膽死送西蘭花補鑊!

錫Ayan錫到燶的肥媽,開飯期間又與「新抱仔」分享婆媳相處心得:「你又唔係同你奶奶瞓,你就吓我,我就吓你啦!我教過一個長輩,新抱買粒花生畀你,個心都係有你,我覺得做長輩嘅,只要後生肯買嘢畀你,你都係開心架!」最後,肥媽炮製素食「佳偶天成」(西芹雲耳炒蓮藕片)祝福兩人,並順道向Ayan傳授「御夫術」:「要鎖住男人個心就要鎖住佢個胃,因為佢習慣咗你嘅嘢食,佢出去食嘢就唔開心!」

肥媽向「新抱仔」Ayan分享婆媳相處心得。
肥媽笑6號三不像同埋孤寒!
肥媽笑6號三不像同埋孤寒!
你可能感興趣