前《東張》女神林希靈黃愷怡齊過檔 曬美腿為開電視主持節目
撰文：洪曉璇
出版：更新：
前《東張西望》女神林希靈（Agnes）與黃愷怡（Jasmin），去年大除夕同日宣布離巢TVB，未料到連去向都一致，齊齊轉投香港開電視主持節目，更在電視台LOGO前打卡留念。Agnes表示今趟主持節目獲益良多之外，更透露最近亦為成瘋搶購物的受害者。
前《東張西望》女神林希靈（Agnes）與黃愷怡（Jasmin），齊齊轉投香港開電視主持節目。
二人到香港開電視再聚頭，Agnes笑指：「沒想到，因為之前喺舊東家由兒童節目就合作，一離巢第一個節目就再度合作。」二人亦表示透過今次節目，了解了更多防疫資訊，就好似近日在節目中邀請了口罩專家，教大家怎樣戴口罩才是最安全，再加上皮膚科醫生教大家解決用消毒酒精令雙手皮膚變爛問題。而問到疫情下生活可受影響，Agnes毫不諱言表示：「喺超巿買唔買到嘢？冇，屋企附近超巿都冇晒嘢，其實呢幾日朝早，我都奉阿媽之命揸車去買嘢，不過都淨係買到罐頭。」Jasmin亦慨歎生活改變了不少：「見少咗屋企人，我哋平時接觸嘅人幾多，我怕經常返屋企嘅話(增加感染風險)…始終父母唔年輕。」Agnes補充，疫情影響最多的是心情：「我有打針，即使確診，我們呢種年紀唔會太嚴重，但怕感染到朋友、同事，怕連累其他人令我有啲心理壓力。」
二人首次同李臻合作，Agnes對於能跟新聞王子李臻拍檔特別興奮，她說：「從前喺電視見到佢，都不覺得佢咁高大、俊俏、帥氣。」Jasmin即笑她擦鞋：「你唔好咁樣啦好冇？」
點擊下圖睇多啲林希靈同黃愷怡嘅靚相：
+16