亞視開記招為官司案降溫 薛影儀鞠躬致歉：多謝粉絲支持我
撰文：林通賢
出版：更新：
阿儀今日現身ATV總台為事件道歉。(陳順禎攝)
亞視今日（23/3）就薛影儀官司案於大埔亞視總台特別招開記者公開向公眾致歉。薛影儀在台上鞠躬致歉：「唔好意思，呢件事為大家帶來好多麻煩。」會後薛影儀連同其經理人林寶玉一同接受《香港01》訪問。阿儀被問險被送入獄，昨晚是否睡得不好？阿儀淡言說：「都冇嘅。（昨日即時要收監，你有冇諗過會有呢個結果？）冇㗎。（有冇後悔有用手？）都有嘅。（返到屋企，爸爸有冇講啲咩？）都冇嘅。（有咩嘢想同公司講？）好多謝經理人同公司嘅高層照顧我，多謝啲粉絲支持我。」
阿儀與其經理人林寶玉出席記者招待會。(陳順禎攝)
而林寶玉表示：「其實當知道佢要收監嘅時候，我哋都即刻通知咗佢屋企人，而佢爸爸知道咗之後，都話俾啲空間佢。而佢爸爸年紀都大，咁所以我同佢講，我哋會幫佢照顧阿儀，無論點都好我哋都會送佢返去。（阿儀嘅廣告工作有否受影響？）係有廣告商問過，而本身係有啲廣告仲未出，都有問過我哋嘅處理方法。大前提佢哋都講要照顧好阿儀先。」