【撞到重傷】愛瑪屈臣罕有性感晒身材 網民錯焦點問：張敬軒嚟？
撰文：陳奕熙
出版：更新：
娛樂圈不時有撞臉的情況發生，譬如王浩信與楊明、許志安和杜德偉、《骨妹》廖子妤和「文青女神」袁澧林，還有連環相撞的蔡思貝、木村拓哉和網絡紅人達哥，撞完又撞，分極都分唔清。
有時明星撞樣，上圖是廖子妤（左）和袁澧林。（網上圖片）
而最新一個撞樣話題就是張敬軒，軒仔除了有個「孖生妹妹」降兩度，近日又多了一個親戚。降兩度開Live演唱會時曾經講過哥哥有6%越南人血統，所以大家定睛望住軒仔時，總錯覺有點外國人面孔的感覺。
首先望清楚，軒仔係依個樣。（符祥定攝）
早前已經有報道講過軒仔和葡萄牙國腳比比（Pepe）似樣，今次又似邊個呢？登登登登，世估唔到軒仔居然和「妙麗」愛瑪屈臣（Emma Watson）撞樣！
Emma罕有性感，竟被網民嘲似張敬軒。（Instagram圖片）
話說Emma早前罕有地為雜誌拍攝性感照，相中僅以一塊白色披肩遮蔽胸部，由於Emma剛陽味十足，性感得來又不失健康，不過如此性感的造型，大家最關心的反而是Emma的感覺和軒仔非常相似，更笑問：「張敬軒嚟架？」冷靜啲！若果到時《美女與野獸》開映，大家見到野獸攬住的貝兒是軒仔，都千祈唔好「𠝹」凳！