劉錫賢信術數「越肥越紅」增至320磅 日食7餐:數得出慢性病都有

撰文:黃欣華
出版:更新:

現年60歲劉錫賢日前接受鄭丹瑞《健康旦》的訪問,他在節目中除了分享患各種疾病的心路歷程,更大爆當年因聽從一位術數的朋友的一句:「你命格係越肥越紅,超發!」他就由原本150磅,爆增至最高峰320磅,他亦因而患上鬱抑症影響生活。

劉錫賢信術數而增肥!(影片截圖)
二人首次合作《再見王老五》時,劉錫賢只有150磅!(影片截圖)

劉錫賢坦言自己開始增肥後工作量大增:「工作真係好咗,不斷湧進嚟,以前最多做二、三線,但(肥咗)之後又做主角,又做主持,所以好相信,當時真係放任自己,由其是做完縱橫四海,內地工作多咗。(留喺嗰度飲飲食食?)咁樣我就試過一日食7餐,即係不斷食,冇停過。」

劉錫賢日食7餐!(VCG)
目前減了不少!(影片截圖)

身形的暴脹亦為劉錫賢身體帶來不少影響,他透露:「人哋三高,我五、六、七高,血壓高、膽固醇高、尿酸高,基本上可以數得出嘅慢性病都有,除咗心臟病之外。」他更因而患上鬱抑症:「320磅嗰陣我患咗恐病症,以為自己就快死。有一日喺屋企無所事事,坐喺梳化度無啦啦抖唔到氣,感覺窒息咗超過10秒,想打電話都攞唔到。」此後,劉錫賢短短3個月內就瘦了60磅:「鬱抑症嗰段時間我直情唔想做嘢又唔想見人,最嚴重係我睇周星馳嘅戲,人哋笑我喺度喊。」幸得太太的支持令他開始注重健康,他又表示健康是人生最重要的事情。

劉錫賢婚後注重健康!(VCG)

點撃下圖睇劉錫賢多年來身形變化:

+5