網紅Santis被指和MC暗撻 聞同行超市即口震震：過咗去就唔好提
撰文：吳子生
出版：更新：
網紅Santis（陳濬樺）早前被指背夫與歌手張天賦（MC)暗撻雙雙行超市，事後辣慶老公熊仔頭遭到解約。隨後熊仔頭在IG限時動態表示：「天蠍座嘅女人真係好恐怖。」而Santis亦在社交平台澄清與熊仔頭不是夫妻關係，但卻在YouTube開設的頻道單方面承認曾與熊仔頭拍過拖，同MC亦只是普通朋友關係。
Santis(右)透露現在單身。（吳子生攝）
今日(4/4)Santis現身土瓜灣出席活動時就上述事件接受《香港01》訪問時表示：「其實我同熊仔頭係和平解約，我係唔需要賠錢。而解咗約之後，大家再冇聯絡，希望大家保持距離。而佢喺IG度講嗰番說話，我就唔覺得係講緊我。因為全世界有咁多天蠍座嘅女仔，唔通就會中招咩。（認識咗幾耐就會同人行超市？）其實呢啲事過咗去就唔好提，而家我仲係單身，想專注係學業同未來嘅工作。（同MC有冇聯絡？）我哋冇聯絡。但日後如有工作合作，我就唔會話會避忌對方。（同MC將來會唔會有發展機會？）我諗就唔會，畢竟而家我唔想有伴侶住，都想專注返工作上。」
Santis表示和MC將來沒有發展機會。（吳子生攝）