反起跑線聯盟︱細數全劇15集精彩情節 梁詠琪:畀咗歡樂好多家庭

撰文:陳栢宇
出版:更新:

梁詠琪(Gigi)、潘燦良、周家怡和強尼主演的ViuTV劇集《反起跑線聯盟》今晚(8/4)播出第15集大結局,故事繼續圍繞「樂悠悠幼稚園」與地產商的加租之戰,講述身為地產商代表的Charles(潘燦良飾)暗中倒戈,為Nora(梁)為首的家長會出謀獻計,眾人更發起眾籌活動,可是資金仍然未夠,而在關鍵時刻竟然有人拎住一張支票找孔校長(袁富華飾),簡直峰迴路轉!

《反起跑線聯盟》今晚(8/4)播出第15集大結局。(劇照)

《反起跑線聯盟》成績不俗,首周直播收視更達平均5.1點,成為VuTV開台六年來第二高的自家製劇集,第二周亦保持住平均5.1點的成績,非常犀利。劇集之所以深受觀眾歡迎,好大程度是因為梁詠琪首次擔正拍劇,同時亦因為「七小福」成員瑤瑤(張曦晨飾)、Billy(徐立德飾)和Martin(植海維飾)等夠晒可愛,以及題材貼近生活,令不少媽媽級、爸爸級的觀眾感到共鳴。

點擊下圖回顧重點情節:

+18

《反起跑線聯盟》話咁快播完15集,主演的梁詠琪接受《香港01》訪問時坦言不捨得:「真係眨下眼就播完,其實成個拍攝過程好愉快,每位台前幕後都好盡心盡力做好呢一個劇集,出嚟反應都比預期好,都戥導演開心,因為拍一套好有正能量,能夠畀大人同小朋友Enjoy嘅電視劇,帶歡樂畀每一個家庭,係佢嘅初心。」而最掛住的一定是「七小福」:「因為下一次見佢哋,我估應該會唔同晒!而我最唔捨得一定係瑤瑤(張曦晨),因為我好多場戲係喺屋企度拍攝,有時大家會有啲蝦碌嘢,好好笑,我哋有時又會互相幫忙。」她又指自己好希望可以再度這班台前幕後合作。

專訪|梁詠琪演教女做功課爆情緒 直認有共鳴:媽媽無啦啦做衰人

反起跑線聯盟︱梁詠琪首拍長劇 自爆與對手產生真感情:唔捨得佢

梁詠琪直指最捨不得飾演瑤瑤的張曦晨。(劇照)

至於《反起跑線聯盟》導演兼監製劉偉恒回覆《香港01》好想劇集可以「有下文」,又稱外界反應比自己想像更好:「最難得係聽到好多朋友都一家大細一齊睇呢套香港嘅劇集,而大家又好有感受、共鳴,又會睇到笑,我係覺得好感動。最初我係冇諗過小朋友係會一齊睇,因為係時間上嘅安排,但咁啱佢又喺一個三月份嘅『暑假』播出,呢個係完全估計唔到,亦好開心收視、反應、口碑都咁好。」

另外,他又指自己感受到觀眾對劇集,以及台前幕後都非常有愛:「第一次拍劇,我自己都睇到好多不足,好多沙石,但係大家都好包容,冇乜去挑剔製作上嘅粗疏,或者謬誤,大家都係睇背後嗰份愛,由於呢個劇組係好開心,由一開始拍到而家拍完咁耐,但係群組日日都係聯繫緊,日日都講緊大家當日拍嘢係幾開心,呢份愛係好值得讓大家受感到,尤其是呢段抗疫嘅日子。」

劉偉恒(右一)希望能夠「有下文」,與原班人馬再拍劇集。(Instagram/@bennylauwaihang)
你可能感興趣