姜糖打造粉藍色「姜濤號」賀23歲牛一　首日出車勁矚目

MIRROR成員姜濤將於本月底迎來23歲生日，雖然早前他曾發文表示知道有姜糖為他做生日應援，但他更希望可以將集資用來幫助有需要的人。

姜濤香港後援會日前公開一連串嘅全球慶生活動，香港部分的電車應援由今日（8日）至下月16日，唔少姜糖今日紛紛衝到北角總站靜候「姜濤號」出現，又帶埋公仔去打卡，十分雀躍。有姜濤靚樣嘅電車，車身以粉藍色為主，一邊車身印有「HAPPY BIRTHDAY KEUNG TO」，而另一邊則印有「KEUNG 0430」字樣，電車途經銅鑼灣時，吸引了不少路人的目光，亦有姜糖拍照打卡後，再上車遊電車河。