麥明詩被網民質疑學歷觸動神經　首度公開劍橋大學成績單平反

「十優港姐」麥明詩 (Louisa)，早前因為無綫劇集《金宵大廈2》入面，演員黃婉華塗黑皮膚演繹家傭角色成為國際話題一事而發聲，表示：「香港如果能夠畀多啲機會少數族裔演出，represent（代表）番自己種族，而唔係由另一個種族去represent，唔係更好咩？」然而Louisa此番言論卻惹來網民的批評攻擊，有網民直指她「偽善」，更有網友無端將焦點轉移到她的學歷之上。網民指她劍橋讀法律「但得2:2（指二級乙等榮譽畢業），連返香港考PCLL都冇資格」（PCLL入學需取得二級甲等榮譽以上成績）、「你估佢真係有律師都唔做咩」，甚至譏諷她入娛樂圈是為了「沽名釣譽」。

Louisa昨日就特地於IG回應有關網民的留言，寫道：「多年嚟好多ching（師兄）都好替我擔心我大學成績，各位ching千祈唔好替我擔心，唔高分，不過平穩」，且首次公開了她的劍橋大學成績單來為自己平反，可見她於2012－14學年中，均獲得二級甲等榮譽成績。