雙生陌生人｜馬在驤被嘲個樣老過老竇 年輕版黃庭鋒：網民講笑啫
撰文：吳子生
出版：更新：
黃庭鋒，湯洛雯今日出席劇集宣傳活動。（葉志明攝）
黃庭鋒今日（29/4）現身電視城出席my TV SUPER創富為題材原創劇《OPM》宣傳造勢活動。提到即將首播的劇集《雙生陌生人》中飾演馬德鐘年輕版，並取代了曾經在《家有無難事》入面演馬德鐘年輕版的馬在驤。隨即又再掀起網上熱話，有網民嘲諷馬在驤比起父親馬德鐘更加成熟：「兒子不比爸爸帥就算了，為什麼感覺兒子比爸爸還老」、「我以為兒子是爸爸」。
黃庭鋒在《OPM》首做男一，雖然先在myTV SUPER上架，但相信之後都會在81台播放。（葉志明攝）
黃庭鋒表示：「其實同馬德鐘拍戲嘅時候，我就冇特登問佢點解唔搵返阿仔返嚟拍，因為我有得拍就開心。不過我諗信相係想有唔同嘅面孔去扮佢，其實講真要去扮一個人係好難，尤其係啲前輩，因為佢哋太過獨一無二。至於網民啲留言，我只可以話馬德鐘佢Keep得好，二來佢個仔又生得成熟，佢哋兩個拍埋一齊真係好似兩兄弟。而啲網民話佢個仔老過佢阿爸，佢哋都係講笑啫。」