雙生陌生人｜姜麗文攞正牌大鬧四叔姜大衛 過足戲癮：人生第一次
撰文：吳子生
出版：更新：
姜麗文（Lesley）今日（30/4）現身電視城出席無綫劇集《雙生陌生人》宣傳造勢活動。Lesley透露在劇中飾演一名科學家，並且首次攞正牌大鬧四叔姜大衛，大讚過足戲癮：「之前我同四叔有合佢過，但我係人生第一次咁樣鬧佢。嗰個感覺係好好笑，而且仲覺得好似係冇大冇細。不過成日都好多人有問我，如果同阿爸同四叔做戲會唔會緊張有壓力，反而我就冇呢個感覺，仲感覺好安心。因為我知我做錯咩嘢，或者做得唔好，四叔一定話俾我知，教我點做得更加好。」
姜麗文在劇中攞正牌大鬧四叔姜大衛，大讚過足戲癮。（吳子生攝）