Bob分析40歲仍單身性格一定有嚴重缺陷 胡定欣成下個撮合目標

撰文:黃欣華
出版:更新:

阿Bob(林盛斌)一向有「金牌媒人」之稱,圈中人緣甚廣的他曾自爆近十年八年內總共撮合過起碼8至10對情人,如朱慧敏與心臟科名醫陳良貴、張秀文與金融才俊王大權、風水師陳定幫和他的太太等。不過,他最近上陳敏之個人YouTube Channel 大吐苦水,稱金牌媒人唔易做!

二人相識二十多年。(影片截圖)

阿Bob講道:「嗰十個八個成功曾經經歷過無數嘅歷練,先可以有呢個成績,唔容易㗎,大把係約到出嚟係唔得。」經過他深入的調查更得出一個結果:「去到40幾歲都仲係單身或者30鬆啲仲係單身嘅男女,性格一定係有嚴重缺陷先會Single。(你覺得係咩缺陷?)例如係口不對心,話唔使靚嗰啲,扮咩呀?咪又係要樣靚、波大同腳長。女仔話唔使有錢,人哋揸架咩車出嚟又係到鄙視,收皮啦我心諗。」

阿Bob相當敢言!(影片截圖)
夠Bob成功撮合Sammi和「皮草太子爺」王大業的堂弟王大權(Billy)。(IG@sammicheung926)
媒人Bob充當外父角色,為朱慧敏戴頭紗拖住佢入場,將佢交到新郎陳良貴手上。(受訪者提供)

阿Bob天稱條件好的要求還算合理,但到30歲至40歲仍單身而本身個人條件不太好的要求就並不合理:「男嘅又話人蛀牙,女嘅又話對方個樣唔夠精神,個樣又蠢,我已經好盡力去幫你,我唔係話一定要得,但你覺得佢今日着嘅唔靚又臭,人哋會沖涼㗎嘛,咪教佢沖多啲涼囉,可以進步。」他又稱明白眼緣很重要,但亦稱眼緣絕對可以慢慢越睇越順眼!

Bob已成為愛情專家!(影片截圖)
Bob大讚胡定欣!(影片截圖)

而阿Bob稱下一個目標就是視后胡定欣:「下一個我一定要搞掂佢就係胡定欣,佢一定得㗎!(佢真係一個好女仔,又孝順、靚嗰啲唔使講……)獨立,唔使你養(做嘢又專心),我問過一啲男仔,啲人會同我講『會唔會好惡?』覺得佢眼神凌厲,眉毛粗,嗰下怒瞪嗰下會攝走你,但佢嗰種溫柔、可愛同女性化係好正,當然我都知定欣會有要求,啱唔啱眼緣同傾唔傾到計……我會努力㗎,胡定欣,你等等。」

+33