【我瞞結婚了】吳岱融洗底不再做鷲哥 角色搞笑：今次我畀人摑
撰文：郭敏玲
出版：更新：
吳岱融出席TVB新劇《我瞞結婚了》的宣傳活動，他與身穿婚紗的陳煒一同行入會場，其後鷲哥怕煒哥狼狽，所以只是「蜻蜓點水」式只抱起煒哥一隻腳，非常之Gentleman。
吳岱融今次個look真係好「鷲哥」。（郭敏玲攝）
眼見吳岱融的造型與鷲哥無異，難道他在新劇又會演奸角，大鬧「臭雞」？他聞言即笑說：「之前都係我摑人，但今次我畀人摑！我同煒哥有好多場鬧交戲，因為佢喺劇入面搶走晒我嘅事業王國。（鬧交時唔會有金句？）冇啦，今次呢個角色真係好唔同。」吳岱融表示他在此劇不再是奸角，性格都比較正面，希望大家會接受他搞笑的一面，那今次不再做「鷲哥」，又是否為自己洗一洗底？他說：「都想㗎，自己都想試唔同角色。（怕唔怕觀眾睇見都覺得你做緊鷲哥？）咁就係我失敗囉，不過做鷲哥嗰時，同時大陸、新加坡都播我其他劇，而且忠到不得了，觀眾都冇乜啲咩錯亂。不過大家叫我鷲哥都ok嘅，但依家要記住我叫張建國喇！」
鷲哥好體貼，眼見煒哥著婚紗狼狽，只抱起她一隻腳。（郭敏玲攝）
大家都好期待吳岱融的鷲哥重現，不過今次要大家失望了。（郭敏玲攝）