【我瞞結婚了】黃翠如又咀又摑洪永城：咀親都會打冷震
撰文：郭敏玲
出版：更新：
洪永城抱起樊亦敏，紅都面晒。（郭敏玲攝）
有句說話：「有一種朋友叫黃翠如與洪永城」，他們終於合作新劇《我瞞結婚了》，今日穿上禮服婚紗一起出席宣傳。由於另一男主角黃浩然今日缺席，所以洪永城享盡齊人之福，左有黃翠如，右有傅嘉莉，再公主抱樊亦敏，好幸福。
洪永城今日可以左擁右抱，好開心。（郭敏玲攝）
兩人雖然好好朋友，但在劇中又要親熱又要互摑，相當考驗友情。不過黃翠如笑言：「我同洪永城拍咀戲會打冷震，但打佢呢又怕佢易嬲，唔敢太大力，驚佢會投訴呀。」洪永城就話被黃翠如摑好慘，因為要摑足3次。
與此同時，因為兩人實在太Friend，所以他們的另一半都不會擔心，直頭冇感覺，黃翠如直說：「洪永城係全世界最令蕭正楠放心嘅男仔。」洪永城都不甘示弱，都話同黃翠如親熱，女朋友唐詩詠冇嘢好驚。
洪永城與黃翠如都想同另一半睇劇谷收視。（郭敏玲攝）