七師傅宣布8月九展開騷反應熱烈 拍住潘紹聰火火邀張敬軒做嘉賓
撰文：邱愛霖
出版：更新：
七仙羽（七師傅）主持的ViuTV節目《瘋火與膠七》上禮拜剛播完，七師傅再於Facebook宣布將於8月在九展搞兩場《師傅七都識唱笑會》，預計騷長兩小時以上。並將拍住《瘋火與膠七》好拍檔火火和好友潘紹聰一齊做騷。
七師傅曾擔任張敬軒16場紅館騷的嘉賓，台上合唱《月亮代表我的心》。
七師傅指嘉賓主要來自其主持節目《七救星》、《七福星》，其中尤其以《七福星》嘉星光熠熠，更有剛完成16場紅館騷的好友張敬軒，七師傅透露希望邀請對方做自己騷的嘉賓。而《七福星》嘉賓更有林雪、羅家英、小儀、鄭欣宜、艾粒、ERROR成員193（郭嘉駿）和保錡，不知他們會否受邀上九展騷與七師傅一齊再大放笑彈？令人期待！
《七福星》嘉賓星光熠熠：
+12
七師傅指兩場騷的內容十分豐富，有信心不會令觀眾失望，她說：「有唱歌、跳舞、Talk show。搞笑得嚟又專業、專業得嚟又開心，雜崩冷乜都有，同埋有ViuTV藝人。而家都未出街，啲飛已經冇晒啦！因為啲人搶唔到MIRROR啲飛就搶我啲飛，內部反應好熱烈，好似啲廣告商咁，搵唔到MIRROR就搵我拍，因為大家都受歡迎。」
當然不少得一齊主持節目《瘋火與膠七》的好拍檔火火。（節目截圖）
七師傅8月於九展開騷。（七師傅Facebook）
同場加映：姜濤紐約街頭自稱「香港知名歌手」 忍俊不禁笑自己唔知醜
+7