姜麗文延期2年終成人妻 LA行禮眼濕濕：香港一定補擺婚宴﹗
撰文：洪曉璇
出版：更新：
等足兩年姜麗文終於正式成為人妻﹗Lesley和柏豪原定2020年2月2日結婚，惟受新冠疫情影響將婚事押後，6月3日早上她上載婚照宣布：「We Got Married」。
19年1月求婚，原定20年2月結婚，至22年3月，姜麗文終於成為人妻﹗（IG：@lesleychianglove）
姜麗文早前去荷里活拍劇時，原來靜俏俏順道在外國結婚，她上載兩張婚照，一對新人衣著非常簡約，齊齊穿上淺色白恤衫長褲， Lesley解開恤衫鈕扣，晒白色Bra Top難得性感，另一張二人甜密咀咀非常溫馨。Lesley感謝大家祝福：「好多謝大家咁多年嘅支持同愛﹗經過兩年幾嘅延期，我哋喺 LA一個可以望住成個城市嘅山頂上面， 兩個人，同埋我地最愛嘅家人朋友睇住zoom，簡單咁結咗婚啦！我好幸福，我好感恩, 我好開心﹗」
姜麗文曾因情傷患抑鬱三次自殺 爆遭網上欺凌：我一直在努力掙扎
等足2年姜麗文與柏豪終於正式成為夫妻。（IG：@lesleychianglove）
她接受《香港01》訪問時表示：「當日只有我同柏豪以及婚姻監禮人，行禮時當然有喊啦﹗爸爸都好錫柏豪，喺香港一定會補擺婚宴但想等疫情穩定先，至於造人計劃暫時都係事業行先，我仲係好熱愛工作哈哈哈。」
+25