《十八年後2.0》首播收視14.7 比前輯差　龔嘉欣：難去作比較

龔嘉欣今日（7/6）現身將軍澳電視城出席無綫熱播劇集《十八年後的終極告白2.0》宣傳造勢活動。對於劇集《十八年後2.0》首播收視錄得14.7點，比《雙生陌生人》結局周收視13.9點微升0.8點，但相比起前第一輯《十八年後》首周收視25.4點，則下跌了10.7點。

嘉欣真心表示：「其實呢樣嘢真係好難去作一個比較。不過我就覺得好得意，因為身邊好多人都會問我邊個係兇手，咁變咗自己都會有一種滿足感，發覺大家凝聚出嚟嘅嘢原來係啱嘅。（會否提出若收視爆升會派福利？）哈哈，呢啲交俾啲男主角做啦。大家都係留意番我嘅戲啦。」