百萬同居計劃|Anson Lo一開工即狂跑 解放白滑強壯麒麟臂超吸晴

撰文:鄺鈺瑩
出版:更新:

Anson Lo(盧瀚霆)主演嘅新劇《百萬同居計劃》已經進入煞科階段,今早(15日)未夠8點,Anson Lo已經現身屯門進行拍攝,一開工,教主就要拍攝追逐鏡頭,真係少啲體力都唔得掂。拍攝期間,有附近大排檔嘅檔主突然大聲叫喊:「我比多五分鐘你,你哋咁樣我唔使做生意。」工作人員聞言後,即時火速「good take」再轉去公園繼續拍攝。

教主一開工就拍追逐戲。(陳順禎攝)

Anson Lo年初時曾因壓力太大而體重急跌,其後他決心增肥,早前到商台接受「Do姐」鄭裕玲時,Do姐大讚他「大隻咗好多」以及「厚實咗」。呢日拍攝外景時,Anson Lo換上白色無袖背心後,一雙麒麟臂極為搶眼,而由側面看過去,Anson Lo確實「厚實」了不少。不過每當完成拍攝後,經理人花姐都會火速為Anson Lo披上外套,極度保護教主嘅麒麟臂。

平時夏天都可以著大褸嘅Anson Lo,為劇集而「解放」麒麟臂。(陳順禎攝)
一cut機第一時間拎風扇。(陳順禎攝)

拍至10時許,由於有「屯門友」分享拍攝地點,令不少「神徒」聞風而至,而Anson Lo劇中嘅女友Asha(徐㴓喬)亦到場準備開工,二人單係拍攝在巴士站偶遇嘅鏡頭,已經用上半個多小時,由於太陽十分猛烈,加上長袖外套,令Anson Lo同Asha不停「爆汗」,每次cut機後都風扇不離手,Asha更直接將紙巾「攝」到額頭,而在場工作人員就不時幫教主補妝。

Asha不停為自己散熱。(陳順禎攝)
現場有近40多名fans圍觀。(陳順禎攝)
+12
你可能感興趣