張振朗唔怕TVB劇集收視低已免疫:上年套《拳王》都係尾二

撰文:邱愛霖
出版:更新:

由高海寧、張振朗、陳展鵬主演的無綫(TVB)電視劇《童時愛上你》將於下周一(27日)啟播,近來從內地回港的張振朗今日(19日)出席宣傳活動。首度北上亮相幕前的他分享道,最深刻是劇組特意安排導演教他們演戲,非常有心。問王祖藍有否再幫手接洽他北上工作,張振朗指現主力忙與龔嘉欣拍的新戲,一切等公司安排。

張振朗從內地回港三個多禮拜。(梁碧玲 攝)

談到近日TVB收視低迷,張振朗表示:「收視呢啲我從來都唔理。好似上年一套《拳王》都係尾二,所以最緊要觀眾睇得開心。我經歷過(收視低),我哋係演員,演好套劇,盡咗我哋本分。(免疫咗?)係呀!好似前年啲劇播唔到咁,之後又播返,所以我都好平常心。」問有否留意荃灣豬肉檔威威(劉宋威),張振朗笑稱:「我哋而家喺佢地頭,唔可以亂講嘢。」隨後他表示疫情下豬肉檔威威帶來快樂是好事。

由高海寧、張振朗、陳展鵬主演的無綫(TVB)電視劇《童時愛上你》將於下周一(27日)啟播。(梁碧玲 攝)