陳展鵬同落選港姐山頂談情被撞破 IG呻：希望有自己空間
撰文：林通賢
出版：更新：
26歲的單文柔為2016候選港姐之一，和40歲的陳展鵬雖然相差14年，但外形合襯。（資料圖片）
因為拍《城寨英雄》令陳展鵬和胡定欣好似真係拍拖一樣，一齊做宣傳、一齊掘金，之後又被拍得同車去西貢食糖水，二人宣傳又經常讚對方，雖然沒有公開承認，但差不多默認。不過昨日就發生峰迴路轉的故事…….
胡定欣這段期間去了吉隆坡工幹，陳展鵬又剛好拍完新劇《天命》，開始清閒，於是有傳媒拍得陳展鵬同年輕女仔到山頂談心，而這位女仔就是應屆港姐之一26歲單文柔Pheobe，展鵬被拍照後，就相當慌張，更想極速開車閃人，但結果撞到採訪車。
單文柔雖然包包面，但樣子清純，而且和一眾港姐佳麗相處融洽，人緣不俗。（資料圖片）
而據報道講陳展鵬一早就好欣賞單文柔，在港姐決賽當晚，陳展鵬為評判之一，當時在選「最上鏡小姐」和心水「電視劇女角色」環節，煎Pang都撐單文柔，不過單文柔最後只入到最後10強，之後就加入TVB。她入行前為布料設計員，性格純品，和同屆港姐關係都非常好，在她的IG經常都見到她和她們合照，而最近亦和煎Pang互相follow。
煎Pang是前晚被拍得同單文柔出現在山頂，他在報道出街前1日在IG貼上一張寫着「Let your smile change the world, but don't let the world change your smile」的圖片，之後再出post寫上：「所謂的成熟，就是遇到突如其來的事，都要冷靜應對，處之泰然，屬真屬假都可以一笑置之。藝人經常活在鎂光燈之下，工作範圍內要接受任何挑戰但鏡頭下都希望有屬於自己的空間，可以歇息一下 。明白每個行業都有自己的崗位要盡忠職守，亦希望大家可以有多一份尊重，工作時要小心為上，注意安全。」煎Pang出的這個post，單文柔都有like，當然要支持下啦。
陳展鵬和胡定欣因拍《城寨英雄》一齊奪得視帝、視后，更傳有緋聞。（資料圖片）
陳展鵬1天前在IG發文，似乎在回應山頂被拍事件。（Instagram截圖）