陳展鵬認新一年多桃花:女性緣都算係桃花運

撰文:
最後更新日期:

陳展鵬、譚俊彥、李施嬅及陳山聰等今午於電視城出席劇集《天命》拜神儀式。(黃國立攝)

陳展鵬笑言今年有好多桃花運,佢指嘅係觀眾緣,唔係同胡定欣嘅緋聞。(黃國立攝)

來到年初五,又係開工嘅時候,無綫劇集《天命》一眾演員陳展鵬、譚俊彥、李施嬅及陳山聰等今午於電視城出席拜神儀式。

劇集已經開工了一段時間,劇組亦將移師到橫店拍外景,早前頸部有傷的陳展鵬表示已經痊癒,問到密密工作會否感到吃力?他說:「都冇辦法,好嘢就係要辛苦一點,現時觀眾要求高,想睇靚嘅嘢。」提到日前陳展鵬與緋聞女友胡定欣疑似結伴出席高層樂易玲的團年飯局,陳展鵬指當天有好多人,「好開心可以出席,因為每年樂小姐都開定年讓我們逗利是。」

今次劇集將會到橫店拍攝雪景,陳展鵬話唔辛苦,因為好嘢係要辛苦啲!(黃國立攝)

至於踏入新一年會否想行桃花運?陳展鵬笑言今年已經有好多桃花運,唔通真係同定欣一齊?原來佢講嘅桃花運係指觀眾,「去了好多地方登台。(係咪已經行緊桃花運?)今年多了觀眾認識我,唔一定係拍拖先算,女性緣都算係桃花運。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。