開心無敵獎門人|曾志偉搵舊遊戲勾回憶 陳瀅預告有濕身環節

撰文:林迅景
出版:更新:

曾志偉再次「出山」做獎門人派送歡樂!由曾志偉擔任獎門人,加上「獎老」錢嘉樂、阮兆祥、麥美恩以及新長老吳嘉儀、程浩駿主持的《開心無敵獎門人》今晚(03/7)進行第一集錄影。《開心無敵獎門人》第一集有陳瀅、朱敏瀚、JW王灝兒;張穎康、Eric Kwok、陳奐仁、鄭融、連詩雅以及姜麗文上節目做嘉賓,陣容非常鼎盛。

曾志偉「出山」做獎門人主持《開心無敵獎門人》。(梁碧玲攝)

曾志偉接受傳媒訪問時坦言,最初幾集將會從175個經典遊戲之中抽取30多個出來,希望勾起大家的集體回憶,而做幾多集則未有定數,要視乎觀眾反應而定,不過他也說:「今年係55周年,節目至少做到台慶後再算。」他又指,今次節目得到十分多贊助,總計已超過1000萬。「獎老」阮兆祥也表示現場觀眾入場票也十分緊張,曾志偉又笑言:「會配一張MIRROR飛。」

曾志偉「出山」做獎門人主持《開心無敵獎門人》。(梁碧玲攝)
陳瀅、周嘉洛上節目《開心無敵獎門人》。(梁碧玲攝)

陳瀅接受《香港01》訪問時表示,自己上一次參加《獎門人》節目已經是2014年《女人俱樂部》(《M Club》)的時候,周嘉洛則笑說沒印象:「對上一次睇已經係中學定小學。」陳瀅續說:「細個睇獎門人睇到好開心好興奮,當知道自己有機會參與係好開心,特別係JW,佢勁興奮。」

陳瀅上節目《開心無敵獎門人》。(梁碧玲攝)

問到遊戲部份,陳瀅和周嘉洛透露:「有辣辣壽司啦,有搵啖食仲有大電視,都係啲經典遊戲。冇練習過呀,因為好多都係今日入到廠先知會玩。」她還笑言有點擔心大懲罰的部份,說:「我知佢哋有個濕身環節,同埋有wasabi,所以你(周嘉洛)先着到咁,好叻呀,聽到都覺得凍,希望廠入面冷氣唔好開咁大,哈哈。」但講到食wasabi,陳瀅又表示試過用食wasabi方法訓練自己流眼淚,說:「嗰陣唔識拍喊戲,上網搵到食wasabi練喊戲,小妹妹咩都唔識就試吓,我就買咗支wasabi唧落個口,發覺真係得嘅,不過個樣就太難睇。」周嘉洛則笑言自己最怕贏不到大獎,說:「最驚贏唔到,我頭先收到風大獎係有啲嘢。」

陳瀅上節目《開心無敵獎門人》。(梁碧玲攝)
+16
+38
你可能感興趣