梁芷珮南非被盜攝影器材損失逾10萬 心情未平復:保險Claim唔晒

撰文:黃欣華
出版:更新:

《潮什麼》系列主持人梁芷珮(Christy)早前與丈夫帶住細仔及細女出發馬爾代夫、賽舌爾島、毛里求斯、南非及肯亞等地拍攝,寓工作於娛樂。可惜,日前在南非被盜攝影器材,一家人無奈地去警局報案,損失慘重!

一家人原本寓工作於娛樂。(IG/@imchristyleung)

梁芷珮接受《香港01》訪問時稱今次的事件損失10幾萬:「素材好彩冇事,因為我老師好勤力,佢每次最驚唔見Hard Disk,我哋每晚拍到幾夜都好都會將所以素材重覆入足4個Hard Disk,有啲會跟身有啲會擺酒店,雖然有2隻Hard Disk唔見,但都仲有2隻喺酒店,我哋會好好睇住。(有冇買保險?)有買,但係保險唔係Claim得多,因為平時我老公都好小心,但因為我哋太熟悉個環境,每日都喺呢條街食早餐,畀我哋非常之安全感覺,因為係一個旅遊點,喺海邊又係大街。我哋係啱啱準備出去,買杯雪糕畀小朋友食,前後係廿分鐘內嘅事,已經冇咗成個相機袋,有兩部相機、咪、運動型相機同鏡頭,全部都冇晒。」

要向當地警察報案!(ig@imchristyleung)

梁芷珮心情仍未平復:「保險Claim唔晒,好唔開心呀!但經一事長一智,可能下次個保險要買大少少。」好景不常,當梁芷珮一家準備回香港之際,卻因為香港的熔斷機制,目前滯在曼谷的她預計9號返港,她更在IG寫道:「喺熔斷機制之下到咗杜拜喇..琴晚凌晨兩點到,Book咗機場附近酒店瞓咗一晚,今朝第一樣嘢,就係揸車去Tim Hortons 飲ice Capp,成個熔斷即刻開心返。係呀因為熔斷機制,真係嘥咗好多錢,PCR test 要做過,機票酒店又要book過…相信呢個trip應該擋咗好多災,因為破咗好多財!」

+8

點擊睇梁芷珮你問我答及更多放閃靚相:

+35
你可能感興趣