東張西望︱有女主持收恐怖「姦斬令」 揚言先強姦再斬開18段

撰文:張嘉敏
出版:更新:

無綫(TVB)資訊節目《東張西望》因經常報道不少專題新聞而引起社會關注,當中內容更不時成為熱話,然而亦令到不少人和事的黑暗面曝光。而一眾女主持追訪時難免會踩界並因此令人生安全受到威脅,利穎怡早前就曾當街被施襲。日前就有報道指近日有「東張女神」收到「姦斬令」,揚言要將她先姦後斬,斬開十八段後還要掉落海餵魚和餵狗。

出言恐嚇的人直指該女主持得罪了某「集團」,所以要報復她,對方表示有她的地址,內容還有粗口且語氣兇狠。有指涉事的「東張女神」已向節目負責人備案,此事亦令節目組台前幕後的同事感到恐慌。報道又指多位《東張》女主持均有加強保安指拖,陳庭欣 (Toby) 由男友安排專車接送返工放工,李旻芳就找來老公黃耀英貼身陪同返工,而新加入的富貴落選港姐王嘉慧更正在物色保鏢作24小時貼身保護。

利穎接受《香港01》訪問被問到有關事件時表示:「我都唔係好清楚,都係今早見到報導先知,因為剛剛從日本回來投入工作,所以好多事都唔update。今早睇完,家人都表示擔心。而且回港後,而家投入劇組那邊拍攝,有時收工比較晚,家人都叫我小心出入。自己都驚,而家劇收工都係凌晨,太晚了當然唔會叫家人接我,唯有自己出入注意一點。自己本身都有學一點點功夫,本來打算用來拍戲,而家可以用來防身。」

點擊睇利穎怡靚相:

+11

Toby回應《香港01》表示:「東張西望係一個深入民心嘅節目,幫咗好多人,亦令市民知道好多真相。一直以來,幕後嘅所有同事,同埋要出外景嘅同事,一定係最辛苦!以我所知今次已經交咗俾警方處理,所以都唔方便多講。我只可以話內部及管理層同事時常關心大家嘅安危,做任何採訪嘅時候,事先都會開會部署好。」至於是否有男友的專車接送,她說:「其實我好多時都自己開車,車直接泊入公司停車場,安全。我自己曾經都有收嗰啲奇怪訊息嘅,好似核突相呀,或者啲九唔搭八嘅字呀,八字算命呀,等等,咩都有。請大家放心,東張西望上下一心,唔會因為收到呢啲信息就退縮,謝謝關心!」

點擊睇陳庭欣的IG靚相:

+28

李旻芳亦有就有關事件回應《香港01》說:「信息唔係我收到架,詳情係點我都唔係好清楚,我都係睇報道先知道。始終東張西望呢個節目內容有好多唔同範疇嘅報道,例如好多涉及民生嘅議題多人睇自然多話題同評論。有好多時都會收到觀眾留言嘅支持,但偶然的確會有好少數留言帶有攻擊性,雖然都會有啲擔心,但係都擔心唔嚟。相信只要憑良心做事,盡力做好,相信大部分觀眾都係理智嘅。」

點擊睇李旻芳靚相:

+42