情侶檔吸金黃心穎餵食 馬國明直認:唔係普通朋友咁簡單
撰文:林迅景
出版:更新:
究竟馬國明與黃心穎是「真情侶,地下情」,還是「假情侶,有緋聞」,抑或「曖昧中,不確定」的關係呢?但是當新聞稿已寫上「緋聞馬國明黃心穎」時,我還應該當他們是緋聞嗎?
「聽聞價錢好啲吖嘛。」馬國明在台上回答主持人問題說到。連馬國明都知道「情侶檔」合體出席活動的酬勞會比較高,似乎此次活動「含金量」也不少,不過有宣傳效益之餘又可以見到對方,何樂而不為呢?活動內大會還安排二人唱歌,心穎BB唱梁靜茹的「勇氣」及「月半小夜曲」之餘,馬明亦唱了一首「友情歲月」及「心願」,驚喜的是原來黃心穎歌喉真的不錯。隨後更有與人形公仔跳舞及製作窩夫環節,又讓心穎餵馬明食窩夫。
二人接受「香港01」訪問中時,馬國明說到:「頭先個窩夫係好食嘅。」(有冇期望心穎再煮啲難少少嘅餸畀你食?)「咁好難要求個女仔煮嘢畀自己食嘅。」心穎這個時候笑說:「佢依家要求緊我煮嘢畀佢食。」及後馬國明補充道:「我由細到大都係爹哋媽咪煮嘢畀自己食。如果個女仔煮得嘢畀個男仔食,佢哋關係就唔會係普通朋友咁簡單。」而問到緋聞中的他們會否繼續「情侶檔」出席活動時,心穎就搶答說:「嘩,最好吖。」馬國明接着補充道:「有錢搵梗係好啦⋯」啱嘅,可以見面之餘又可以搵錢。
不難發覺,大會刻意營造了情侶的感覺。當時人不介意之餘,公司又樂見多一對緋聞情侶,大眾亦喜歡這對「金童玉女」的組合,至於戀情真假與否,其實有關係嗎?