安哥同學會｜曾路得證實患乳癌 同時疑患肝癌：到底我要醫邊樣先
撰文：鄺鈺瑩
出版：更新：
曾路得丈夫是警務處前助理處長吳家聲，婚後曾經歷小產，現肓有一子。（資料圖片）
資深音樂人曾路得曾經歷小產、抑鬱症、乳癌，近日她接受港台節目安哥同樂會訪問時，提到06年證實患乳癌時，最令她受挫嘅係同時懷疑有肝癌。「知道乳癌唔係最慘嘅事，因為佢係最易醫嘅一個癌症，所以我唔覺得係一件好難過嘅事，咁多人都有，係咪先？不過嗰時醫生在言，我唔係得一種癌，嗰時真係晴天霹靂，去到人生低點。到底我要醫邊樣先？抑或係已經擴散到全身？嗰時咩都唔知。」
曾路得年初時曾為經典歌曲《天各一方》演繹新版本，並由商台前高層俞琤擔任旁白。（資料圖片）
擁有宗教信仰嘅曾路德表示當時雖然曾經祈禱，但未有得到任何指引。「之後再去驗清楚，醫生話我個肝無事，真係好感恩、好開心，如神講『你只係比咗乳癌我』之後整個療程，我係冇一日唔開心，自己好有信念，雖然係辛苦，但會過去，呢個真係好緊要。」曾路得當年大學畢業後，本身打算加入TVB，但最後被俞琤看中，邀請她加入商台做DJ，其後更成為「六啤半」成員之一。其後曾路得成了歌唱老師，彭羚及林憶蓮均是她的學生。