張偉文坐輪椅唱歌被份量級女星指「好可憐」　全城估嫌疑人物

69歲「靚聲王」張偉文今年2月確診新冠肺炎，康復後重踏舞台。日前在元朗大會堂舉行《友情有義演唱會》，期間一度激動落淚。完騷後，張偉文接受媒體訪問時，提到圈中一位甚有「份量」、「講嘢大大聲」的女星，以「好可憐嘅事」形容他坐住輪椅演出。張偉文為此感到十分勞氣，並指自己仍有能力演出，又謂無論用什麼方法都會唱落去，又叫大家唔好用可憐目光去看待他，自己都係搵餐飯食。「我剩番碗飯，碗飯對我嚟講好寶貴，得一、兩份收入都唔放過我？」

對於「有份量」以及「大大聲」女星，唔少網民都齊齊估進是主角，又列出嫌疑人物，包括肥媽、甄妮、杜麗莎、朱咪咪、薛家燕，甚至連鄭欣宜都有份。張偉文經理人方俊其後接後媒體查詢時，表示事件令欣宜、家燕姐、甄妮、杜麗莎等受到影響而感到十分抱歉，但就未有提及肥媽。