黯夜守護者｜陳煒月底與醫生男友結婚 放得一日假籌備婚禮
撰文：許逸本
出版：更新：
現年48歲的陳煒保養得宜， 偶爾也會在社交平台上載素顏自拍照。今天（11日）出席劇集《黯夜守護者》的宣傳活動，她在劇中飾演一名警察，幾乎看不到有任何妝容，被問到是否真的素顏上陣？她說：「咁個妝真喺淡好多，一嚟淡啲啦一嚟黑啲啦，切合番個角色冇化眼睫毛、唇膏都冇乜㗎啦基本上，所以開工化妝係好舒服嘅，係為咗大家睇落去似警察，唔想扮到花枝招展（有沒有要求化妝師盡量幫你保持個靚樣？）我自己化嘅，自己操作比較容易啲。」
陳煒同亞視結束12年賓主關係。（梁碧鈴攝）
陳煒96年參選亞洲小姐出身，直到08年結束與亞洲電視12年之賓主關係。近日亞視再度宣布財困，問到陳煒有沒有因娘家財困感到痛心？她表示：「其實由熄機個一日開始就唔係好覺得有一個真實嘅亞洲電視嘅電視台存在，所以我都冇咩話有特別感覺。」
陳煒在22歲當選《亞洲小姐競選》冠軍。（網上圖片）
另外，陳煒正式宣佈月底將會與醫生男友陳國強結婚，但因為工作忙碌，只向TVB請假一天來預備婚禮，其他事項將會交由設計師好友何國鉦幫手打點！
陳煒保養得好好，完全睇唔出已經48歲。（梁碧鈴攝）
恭喜晒，陳煒結婚啦。（梁碧鈴攝）