美麗戰場| 葉念琛唔駛三個月拍完台慶劇 有人眼紅指佢做壞規矩
撰文：邱愛霖
出版：更新：
無綫（TVB）重量級台慶劇《美麗戰場》（下稱《美》劇）由有「MK活地亞倫」之稱的葉念琛執導，陳瀅、方力申、劉佩玥、陳曉華、蔣家旻、陳山聰、朱晨麗、丁子朗聯合演出，再加上唐詩詠、王灝兒及麥玲玲幾位外援特別演出，單論卡士已甚有睇頭，
葉念琛最新「阿寶」是陳瀅。（梁碧玲 攝）
《美》劇由曾志偉親自出面邀請葉念琛呢位電影大導踩過界，志偉全力支持，葉念琛亦不容有失，一人身兼三職，一力擔任編劇、導演及監製，5月尾開拍，8月19日已完成拍攝，前後不足三個月，連同後期製作，竟可趕在10月初搶閘播出，可謂破紀錄，極高層當然開心，不過三個月拍完，再兩個月就出街，前後不需半年，咁快出貨，就引來不少無綫監製不滿，覺得葉念琛做「壞規矩」。
葉念琛與《美麗戰場》演員陳瀅、劉佩玥、陳曉華。（IG@yiplinsum）
因為一般無綫20集時裝劇，如果不時有太多特技，文戲為主的劇集，通常拍攝期都需要三至四個月，後期又三個月，比起葉念琛用多一倍時間，如果葉念琛以電影方式拍攝，又能夠五月尾拍，十月頭出街，假設成績又理想，那就會影響到無綫劇集拍攝生態，而「快拍快播」據知亦是曾志偉希望未來劇集組的大方向，所以《美麗戰場》不單止是一套台慶劇，更可能影響到之後TVB拍劇的方式。
點撃睇《美麗戰場》五大女神分別代表咩花：
+5
《美麗戰場》主角陳瀅和方力申。（葉志明 攝）
《美麗戰場》一眾演員6月進行拜神儀式。（梁碧玲 攝）
另外，《香港01》收到消息，葉念琛開拍《美》劇竟已得罪不少TVB監製！由於曾志偉曾表示希望TVB電視劇要學似拍電影般「快拍快上」，受曾志偉所託，葉念琛在短短兩個月內便完成《美》劇拍攝，據悉葉念琛的高效率引發眾多監製不滿，私下投訴他做壞規矩，令他們備受壓力，不得不學葉念琛般加快拍劇進程，卻又敢怒不敢言，這個局真要睇曾志偉和葉念琛點樣拆！
《美麗戰場》導演葉念琛同「阿寶」陳瀅。（梁碧玲 攝）
點擊睇新「阿寶」陳瀅美照：
+1