港姐季軍梁超怡開創先河 成首屆有獎紋身港姐：評判眼睛係雪亮
撰文：吳子生
出版：更新：
《2022香港小姐競選決賽》昨晚圓滿結落幕，三甲人選終於塵埃落定。冠軍由8號林鈺洧奪得，亞軍是4號許子萱及季軍是梁超怡。不過季軍梁超怡在參選期間，被人爆料指她喜愛夜蒲，更直指她身上有紋身。但Joey早前透露紋身是紀念兒時因病離世的女性好友。
有傳港姐季軍梁超怡身上不只一個紋身。（陳順禎攝）
今日（26/9）季軍梁超怡（Joey)緊接出席無綫台慶亮燈儀式。提到成為首屆有獎紋身港姐，為無綫開創先河，更被網民封為「紋身港姐」。Joey表示：「我得到呢個獎我係好開心，因為我覺得評判眼睛係雪亮，並唔係只係留意一啲表面嘅嘢，而外觀只係女性嘅一部份，但佢哋係睇我其他嘅方面，咁所以頒咗呢個獎俾我。而網民封我呢個稱號，我覺得佢哋好有創意。（有指你有身上唔只一個紋身，其實有7個咁多！）其實我係冇7個紋身嘅。（有8個？）哈哈！你哋見到就係嗰啲。其實平時我就唔係好理會外界嘅新聞，咁所以我都比較專注自己表演方面。」
港姐季軍梁超怡今日出席台慶亮燈儀式。（陳順禎攝）