鄭欣宜自揭收藏過百支唇膏用唔晒：唇膏為我帶出唔同嘅角色
撰文：吳子生
出版：更新：
鄭欣宜和周秀娜齊齊現身尖沙咀出席活動。（葉志明攝）
鄭欣宜（Joyce)今日（30/9）現身尖沙咀出席著名化妝品牌宣傳造勢活動。講到化妝品女士們的恩物唇膏，Joyce大膽透露家中收藏過百支唇膏：「其實我覺得唇膏係會為我帶出唔同嘅角色，同時顏會為我帶來靈感，咁所以有陣時我去演繹唔同嘅歌同做宣傳嘅時候，我就會揀一啲唔同嘅顏色，就好似而家入秋咁，我就會揀啲深色少少嘅唇膏，就會令到我添加一點神秘感，不過講真屋企啲唇膏多到用唔晒。（唔怪得知你最近有5個追求者埋身！）咩呀！邊個講5個咁少㗎，哈哈！麻煩俾晒十二生肖我呀！」
鄭欣宜透露家中收藏過百支唇膏。（葉志明攝）