網友數21位「大鼻」囂張藝人 榜首竟被爆遲到唔背劇本似「廢老」

撰文:邱愛霖
出版:更新:

前無綫(TVB)花旦鍾嘉欣(Linda)近日被指是雙面人,隨後愈來愈多自稱為其街坊的網友力數其多宗罪,直指她人前人後兩個樣。日前有網民於Facebook群組發文表示:「呢個圈藝人,真係人前人後兩個人,有啲好好人,有啲真係乜咁大個鼻(意指態度囂張)」,並列出他所接觸過的「冇架子」和「乜咁大個鼻」藝人,不少網友均留言講述親身經歷!

陀住第三胎的鍾嘉欣近日無端惹是非。(鍾嘉欣ig)

在網友的「乜咁大個鼻」排名頭三甲依次為「烈女」、「野花」、「命硬」,但未有解釋大鼻原因。有網友認同烈女為榜首,更憶述親身經歷:「10幾年前同太太去四川影婚照,回港時當地候機室見到裂女,佢本身已經西口西面,之後有粉絲想同佢合照,佢話ok,但我之後聽到佢X助手:『有烏蠅嚟就幫我撥走佢啦』,正pk。」

楊千嬅疑似被爆叫粉絲「烏蠅」?(楊千嬅ig)

此外,有網友亦分享道:「N年前同烈女做個一次訪問咁大把,當時book咗間靚餐廳喺落場時間做訪問,結果佢遲咗到仲一嚟到就傾咗半個鐘頭電話先埋位,當然佢同經理人公司同事係當無事發生過一樣。」、「烈女早就臭名遠播,劇本又唔熟,埋位前就乜X都話得,一埋位就噏唔出,累全世界冇得收工,佢係正宗冚家X。」、「裂女好X巴閉咖,晚上龍崗道泊求其低架車就走入老麥買包,然後叫人快啲俾佢,十足啲廢老咁巴閉囉。」

楊千嬅即將開演唱會。(楊千嬅ig)

另外有人分享曾被「E神」報串而脫粉的經歷,「我小學個陣E嚟我哋學校附近拍電影。有幾個同學好中意佢,所以佢哋去問E可唔可以影相。E話可以,仲企到好埋笑面迎人咁同佢哋合照。結果轉個頭就打左去我學校度X校長老師唔識教學生 (真係爆晒粗個種) ,然後要求學校記佢哋「大過」。第二日校長特登在早會講,同我哋學生講個社會就係咁,最後學校當然采佢老X,而本身忠粉嘅同學都即刻脫飯。」

Eason是「E神」?(fb圖片)

有人提到最難相處是「𡃁坤」,因為對方脾氣古怪;「男人最痛」和曹永廉被指見到粉絲會擰埋一面;「木偶怡」被指任二線姐仔時已冇禮貌和臭串;「周國腎」則時Nice時難頂。不過亦有粉絲為藝人平反,認為「一個藝人沒可能24小時咁好精神狀態」,一時心軟滿足粉絲或會阻礙比人,因此將自己對藝人期望作衡量他們品格的標準是不公平的。

疑似楊茜堯(楊怡)被指二線姐仔時已冇禮貌和臭串?(楊茜堯ig)

提到「冇架子」藝人大家都認同任達華是首選,而劉德華和尊龍則分別排二、三, 疑似向學校報串的Eason則在榜上排第四。

點擊睇網友爆料:

+7