前港姐冠軍張嘉兒掉低囡囡來港工作老公叫苦連天：話搞佢哋唔掂
撰文：吳子生
出版：更新：
前港姐冠軍張嘉兒今日（10/10）現身尖沙咀出席頒獎禮。嘉兒透露日前從加拿大飛來香港工作，預算逗留十天便回去：「其實而家我嘅基地已經係喺溫哥華嗰邊，變咗今次我返嚟香港都係因為工作。呢幾日我老公同兩個囡囡冇見到我，每日我都會收到佢哋傳俾我嘅訊息，都話好掛住我。不過我老公就同我講話搞佢哋兩個唔掂，希望我做完嘢就早啲返去接手。雖然呢十日我唔使照顧佢哋，事實上係多咗自己嘅私人時間，睇落係好輕鬆，但唔會唔記得，呢段時間我都要忙自己工作㗎，所以一啲都唔輕鬆㗎。」
張嘉儀透露來港工作十天便會飛返溫哥華。（梁碧玲攝）
張嘉儀今日現身尖沙咀出席頒獎禮。（梁碧玲攝）