羅家英悼念英女王被批評 首度開腔回應:以後講嘢一定要謹慎

撰文:馬嘉怡
出版:更新:

羅家英早前因英女王伊利沙伯二世逝世,隨後在網上發文悼念,表示香港在英女王的庇護下成為人間福地,惹來內地網民圍剿。家英哥隨後跪低在微博發佈道歉視頻,表示:「數典忘宗我做不出,我是中國人,我永遠愛我的祖國。」

羅家英悼念英女王遭內地網民鬧爆,事後他拍片補鑊,稱永遠愛祖國。(影片截圖)

事隔一個月,家英哥就事件再開腔回應,他表示事件無影響到佢心情,但以後講嘢一定會好謹慎:「我諗都係一啲誤會啫,咁唔會就唔需要擺喺心上(以後講嘢會唔會再謹慎啲?)一定要謹慎,其實就唔係因為呢件事要謹慎,其實就真喺要謹慎。」

家英哥今日出席慈善高爾夫球賽。(陳順禎攝)

家英哥老婆汪明荃貴為《全國政協委員》,家英哥此番言論被內地網民鬧爆,問到是否受汪阿姐影響才選擇拍片道歉?家英哥護妻心切擰頭否認:「阿姐一句說話都無同我講過,係我覺得我應該要講道歉,因為我講少咗一啲嘢(講少咗咩嘢?)我準備得太快啦,好倉卒寫完之後就登出去啦,咁我淨係喺IG、Facebook登,內地網民係睇唔到,唔知點解國內會睇到。」

同場仲有曾志偉、陳百祥等好友。(陳順禎攝)

家英哥在微博道歉後,收到很多朋友安慰同幫手緩和事件,他指朋友有幫手講:「家英哥都老人家出嚟道歉,算數啦唔好再啄佢啦。」雖然家英哥就道咗歉,不過仍然平息不了部份網民怒火,家英哥就認為唔關粉絲事,喺另一種人專登搞事。不過家英哥都心知自己表達得唔好,並認為網民鬧得有道理,道歉無可厚非。

家英哥開腔回應道歉事件。(陳順禎攝)
家英哥心情大好。(陳順禎攝)