下流上車族|同林敏驄對賭輸收視 曾志偉認輸找數:好怕啲下流人

撰文:吳子生
出版:更新:

曾志偉今晚(14/11)現身灣仔出席無綫電視五十五周年晚宴。提到早前同林敏驄輸賭收視高,輸要裸跑,結果《獎門人》節目收視跑輸。志偉笑言:「我哋呢啲上流人,係好怕啲下流人嘅。呢條友成世人都唔識喊,點知佢就日日都喺度喊,搞到大家都眼濕濕。講真我收視都好巴閉有26.1,而佢有26.7。今次我真係認輸,而且好樂意輸俾佢。(會否再邀請林敏驄拍劇?佢呢個人係怪俠嚟,你誠意邀請佢,佢未必肯,係要佢自己行返嚟。不過我都真係估唔到佢做得咁好,嗰晚我坐喺度睇,都睇到我眼濕,心諗我俾咁多錢佢梗係眼濕濕啦,哈哈!講真佢真係做得出色。」

曾志偉大讚林敏驄演技精湛。(梁碧玲攝)
曾志偉今日出席無綫電視五十五周年晚宴。(梁碧玲攝)