TVB台慶｜江嘉敏、麥皓兒奪30萬現金大獎：喺出面打個邊爐
撰文：林迅景
出版：更新：
《萬千星輝賀台慶》大獎30萬由江嘉敏、麥皓兒等人奪得。江嘉敏和麥皓兒接受《香港01》訪問表示，30萬均分5個人的話，即是每人可得6萬元！麥皓兒說：「呢個係lucky money，一部份會自己用，另外，因為我哋有個跳舞環節，成班女仔用咗短短一個禮拜排舞，希望大家夾到時間就搞個小party。」
江嘉敏、麥皓兒等5位奪30萬現金大獎。（陳順禎攝）
江嘉敏也表示，其中一位隊員的投資心得非常好，所以打算把獎金做定期收息。她說：「但係我諗未做定期，監製已經開咗group，啲飯局要我請食飯，不過呢個idea都幾好，因為成班人一齊排咗個幾禮拜，唔多唔少都有啲感情嘅。」
江嘉敏終於冇「時裝車禍」。（葉志明攝）
6萬全數食飯？江嘉敏反應十分大，即時說：「唔係！要分畀屋企人㗎！哈哈哈！」麥皓兒也說：「都係一個便飯，心意嚟。」去TVB飯堂食飯？江嘉敏就回答會選擇外出食飯。她說：「我唔介意喺出面打個邊爐，食大家鍾意食嘅嘢。」麥皓兒又提議說去食自助餐，江嘉敏也認同。她說：「呢個都諗得過。」