炎明熹驚喜加入《愛回家》劇組　林淑敏率先爆角色類型

藝人林淑敏、許家傑久違以CP組合，出席今日（24日）位於會展中心舉行的四大主題展覽活動，現場有不少「大小姐送水輝」粉絲支持他們。

在接受訪問的時候，問到久違以螢幕情侶身份出席活動，感受如何？林淑敏表示：「希望可以多啲，最想收到嘅聖誕禮物就係以CP組合見吓唔同嘅觀眾。」在旁的許家傑亦認同表示：「頭先都要熱身，因為有一段時間冇同咁多人見面，見番佢哋有一種陌生親切嘅感覺。」

另外，提到炎明熹（Gigi）加入《愛回家》劇組一事，他們事先是不知道的，林淑敏揚言：「之前我真係唔知，（監製好保密）保密得好犀利。有同場先至請到呢粒巨星。（有一齊拍攝嘅戲份？）嗰場戲我哋一齊，至於係咩故仔我哋就賣個新鮮感。（知唔知Gigi做咩角色？）我劇本收到係炎明熹。」難道是演真實的自己？

而《愛回家》經常帶不同驚喜給觀眾，許家傑都非常佩服劇組：「我好佩服劇組，我哋做咗6年依家都有驚喜想像唔到嘅情節。」只可以話劇組真的超級用心。