林芊妤爆老公無俾家用 要靠自己搵食：我係自僱人士
撰文：吳子生
出版：更新：
星級瑜伽導師林芊妤（Coffee）今日（5/1）以嘉賓身份現身觀塘出席HOY TV全新節目《有種老闆娘2》錄影，大談創業奮鬥史。Coffee個人運動品牌首賣當天全被搶購一空，網站更一度停止服務，網上平台經營至今，盈利豐盛，Coffee亦漸漸成為小富婆。
Coffee透露從來沒有問過老公攞家用。（葉志明攝）
她接受《香港01》訪問時笑言不敢當：「其實我變成咁都係多得我老公，係佢訓練咗我出嚟嘅。因為佢覺得男女平等，女性都有搵錢嘅能力，而且多得佢嘅鼓勵，不經不覺我就變咗一個女強人，連我自己都唔知嘅。（老公見你搵到錢有冇減家用？）其實咁耐以來，我都冇問我老公攞家用，哈哈，我係自僱人士。不過講真，我又真係唔好意思問佢攞，係因為我賺嘅錢我係夠用，而我都會用係我嘅家庭度，變咗我唔想一邊問佢攞家用，一邊自己又賺錢，然後又用佢嘅錢，我會覺得咁唔好。所以我同佢係財政係獨立。但大家喺家庭嘅支出，大家就冇計較嘅。有時佢畀吓，有時我畀吓咁。」
Coffee今日出上席HOY TV節目《有種老闆娘2》錄影。（葉志明攝）