奪命提示|首與劉佩玥合作有肉搏戲 陳山聰嫌重:孭住佢都幾吃力

撰文:蘇國豪
出版:更新:

由文偉鴻(jazz)監製,新鮮出爐視帝陳山聰、大馬視后劉佩玥(Moon)張振朗、劉穎鏇主演的劇集《奪命提示》今(2日)舉行拜神儀式,劇中兩對男女主角有不少感情戲,對此陳山聰表明拍攝時不會尷尬,當Moon如妹妹,二人首次合作更一拍即合。

陳山聰、劉佩玥首次合作。(陳順禎攝)

劇中有感情線的陳山聰同Moon,剛拍攝完一場床戲令他們印象深刻,事關拍攝時大家投入令到沙發現凹位,問到拍攝時會不會感到尷尬,陳山聰接受訪問時表示:「唔會,雖然今次係第一次同Moon合作,不過當佢係妹妹咁樣。唔好話尷尬,直頭係合拍。」而在記者會中陳山聰笑言Moon好重,因為戲中有一場戲是她要坐在男方的大腿上,所以令陳山聰有此感覺:「有咁上下高,所以啲骨重啲,我要孭住佢都幾吃力。」

陳山聰笑言會每年上載兒子jaco 同胡定欣的拜年片段。(陳順禎攝)

另外,講到他們剛拿完視帝、大馬視后,演技獲觀眾肯定,對於日後拍戲有沒有存在一些自身壓力,陳山聰就表示:「我相信阿jazz搵得我哋拍嘅,都清楚我哋嘅優點同缺點,佢一定唔會俾我哋出錯,jazz係我其中一個好重要嘅伯樂,我嘅成長由佢一路帶領住我。我相信就算我攞咗視帝之後,佢更加對我哋更加嚴格。」而在旁的Moon則表示:「因為我哋開拍嘅時候,頒獎禮仲未宣布,所以冇專登話咩一個心情,攞唔攞獎,每一個角色都係要盡力去做。」相信他們首次合作一定會擦出不同火花。

二人在戲中有不少感情戲。(陳順禎攝)

另外,陳山聰兒子jaco在新年期間,對待兩位視后胡定欣、佘詩曼的反應不一,對此陳山聰笑言:「因為最重要係Timing問題。Jacob同胡定欣Timing好獨特,佢哋嘅時辰八字一定係夾過晒。」表示相信大家每年都好期待他們的拜年片段,揚言會每年上貼他們的片段,叫大家拭目以待。

陳山聰笑言劉佩玥好重。(陳順禎攝)