愛回家｜蘇韻姿持續雪藏 古佩玲爆劉丹求監製開綠燈：俾佢返嚟
撰文：吳子生
出版：更新：
古佩玲（Kelly)今日（10/2）現身電視城出席《愛·回家之開心速遞》之「甜蜜情人節」宣傳造勢活動。對於好姊妹蘇韻姿早前疑因工作態度差得罪高層，因而被飛出《愛·回家之開心速遞》劇組，遭掟入雪櫃冰封無期，令角色「熊心如」暫時冇得留低。
古佩玲今日出席劇情宣傳活動。（陳順禎攝）
Kelly接受《香港01》訪問時說：「其實佢都好唔捨得，佢都好想盡快咁可以投入返。不過我認識嘅佢，無論遇到咩困難都好樂觀。而佢嘅近況都好好，而家佢都有喺出面接嘢做，見佢活動都幾多。（傳佢工作態度差又遲到！）咁我又冇見到，同我開工嘅時候我又唔覺佢有遲到。（有冇向監製幫替佢講樂說話？）其實我哋熊家全部人以及丹爺都有開口同監製講，話佢工作係好認真，做事好積極，希望監製開綠燈俾佢返嚟。」
古佩玲表示情人節單身過。（陳順禎攝）