渣打馬拉松｜梁諾妍4個鐘內完成全馬：下年捉洪永城跑全馬

渣打馬拉松2023今早舉行，藝人梁諾妍挑戰全馬，一向有跑步習慣的她，做出Sub 4時間，以3小時57分06秒完成全馬賽事，成績想當驕人，她表示下年一定會捉老公洪永城陪她跑全馬，她說：「下年一定會啦，（捉佢去跑10K ）捉佢梗係跑全馬啦，（佢得嗎？）我覺得佢要訓練嘅，唔一定要佢喺四個鐘內，完成到都係一個好好嘅成績嚟，咁我跑步咁多年就可以試下挑戰，今次成績我好開心，佢本身話今年陪我嘅，但就去咗拍嘢囉，佢唔係特登嘅。」