吃貨橫掃曼谷｜彭慧中面對狀態大勇高海寧要着泳衣未驚過：冇壓力
撰文：吳子生
出版：更新：
高海寧（高Ling)和彭慧中(Phoebe）今日（18/2）現身將軍澳電視城出席無綫節目《吃貨橫掃曼谷》記者會。高海寧興奮表示：「今次嘅旅程真係玩得好開心，因為估唔到泰國嗰邊會有咁多素食嘅餐廳，完全好啱素食嘅我。不過拍呢個節目最大挑戰就係要一路食嘢，一路要拍落水，又要着一啲好貼嘅衫呀，搞到我都有啲壓力，究竟食唔食好呢？但最後都係食咗先算啦。」
高海寧和彭慧中今日出席《吃貨橫掃曼谷》記者會。（葉志明攝）
Phoebe透露為了拍攝這個節目，在出發前一個月已開始節食做運動：「平時我係好鍾意食消夜同食零食，就係為咗呢節目，我已經減少咗。同埋以往我係一個月做一次運動，而家就係一星期做一次，相對係勤力咗好多。」被問到面對狀態大勇的高Ling，穿泳衣會否感到壓力？Phoebe笑言：「咁又冇壓力喎，因為我哋唔使鬥靚，反而我同佢走埋一齊，就會有好多女人嘅話題，講極都講唔完，大家又會傾心事。」
高海寧面對泰國美食當前難忍口。（葉志明攝）
彭慧中出發一個月前已開始節食做運動。（葉志明攝）
高海寧和彭慧中一齊去泰國拍旅遊特輯。（葉志明攝）